A emigración Galega ao Brasil: modalidades e destinos durante o século XX

Explícanse as características da emigración galega a Brasil durante o século XX partindo dos antecedentes no XIX e suliñando a importancia das redes migratorias establecidas entre as diversas comarcas de orixe na Galiza (Xallas, Terra de Montes, Melón, etc) e as cidades de Río, Santos, Sâo Paulo e Salvador que foron os destinos principais. Ditas relacións pre e posemigratorias determinaron a forte etnicidade das pautas de residencia (urbana), da inserción laboral no ámbito do sector servizos (pequenos comercios) e os marcos relacionais que desenvolveron os galegos residentes en Salvador de Baía ata, prácticamente, a actualidade.